Aqil Abbas: İnsanların soyadlarını məcburi qaydada dəyişdirmək olmaz

Milli Məclis

Milli Məclis

Milli Məclis soyadların dəyişdirilməsi məsələsini müzakirə etdi

“Yeni nəsil şəxsiyyət vəsiqələri verilən zaman soyadlarla bağlı məsələyə də dəyişiklik etmək lazımdır. Bu məsələdə vətəndaşlar könüllü deyil”.

Bunu Milli Məclisdə deputat Fərəc Quliyev təklif edib. O vurğulayıb ki, vətəndaşlar bunu könüllü edərsə, müvafiq icra strukturu müəyyən təklif verə bilər:

“Cümhuriyyətin 100 illliyi ərəfəsində belə bir dəyişikliyin edilməsi çox yaxşı olardı”.

Deputat Aqil Abbas isə deyib ki, insanların soyadlarını məcburi qaydada dəyişdirmək olmaz və bu, maarifləndirmə yolu ilə tərdicən həyata keçirilməlidir.

Spiker Oqtay Əsədov isə komitə sədri Əli Hüseynliyə müraciə edərək, “Əli müəllim, mən elə bildim ki, siz Fərəc müəllimə sual verəcəksiniz ki, sən özün niyə soyadını dəyişdirmirsən?”

Parlamentin Hüquq siyasəti və dövlət quruculuğu komitəsinin sədri Əli Hüseynli bildirib ki, indi yeni nəsil soyadların fərqli sonluğundan istifadə edir: “Burada heç bir problem yoxdur. Köhnə nəslin isə öz soyadını dəyişdirmək istəyi onların öz seçimidir”.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/ukfrh5

Ən çox baxılan