14.02. Səhər saat 8-dən 5-ci polis bölməsində olan Amid Süleymanov sərbəst buraxılıb. NİDA-çıların bildirdiyinə görə, onunla profilaktik söhbət aparılıb.
***
”Polis bölməsindən oğlumun harada olduğunu demirlər”
Gənc fəal Amid Süleymanov oktyabr 1-i səhər saat 8-də 5-ci polis bölməsinə çağırılıb. Ancaq bu saata qədər ondan hər hansı xəbər alınmayıb.
Bu barədə Meydan TV-yə Amid Süleymanovun atası Yusif Süleymanov məlumat verib.
Atası bildirib ki, oğlu səhər saat 8-də polis bölməsinə gedib. Ancaq polis bölməsindən onun burada olmadığını deyirlər: “Oğlumdan səhərdən bu yana xəbər ala bilmirik”.
Amid Süleymanov oktyabrın 1-i səhər saat 8-də 5-ci polis bölməsinə çağırılıb. O, bu barədə bir gün öncə “Facebook” səhifəsində yazıb: “Bu gün getməliydim, zəng vurdular ki, sabah gələrsən, gecikmə. Səbəb soruşdum, dedilər, bir məsələ var, onu aydınlaşdırmaq üçün çağırırıq. Bölmədə ətraflı danışarıq,sonra gedərsən”.
Amid Süleymanovu mayın 25-də polis saxlamışdı. Gənc fəala 10 sutka inzibati həbs cəzası verilmişdi.
