“İREX məhkəmənin qərarından apellyasiya şikayəti versə də, məlumata şərh verməkdən yayınırlar”
İyulun 31-də Amerikanın İREX qeyri-hökumət təşkilatının Azərbaycan nümayəndəliyinin bank hesablarına həbs qoyulub.
Qərarı Baş Prokurorluğun təqdimatı əsasında Nəsimi rayon Məhkəməsi verib.
Məlumat “Turan İA”-a beynəlxalq təşkilatlardakı mənbələrdən bəlli olub.
Mənbənin məlumatına görə, İREX məhkəmənin qərarından apellyasiya şikayəti verib. İREX-in özündə məlumata şərh verməkdən yayınırlar.
Bu təşkilat Azərbaycan KİV-inin əsas donorlarından biridir. Bir neçə il ərzindən İREX onlarla layihə həyata keçirib, KİV-ə maddi və texniki yardım göstərərək, jurnalistlər üçün çoxsaylı treninqlər və seminarlar təşkil edib.
Bundan başqa, İREX ölkənin kənd sakinlərinin İnternetə çıxışı işində böyük rol oynayıb, onlarla kənddə pulsuz internet otaqları təşkil edib.
Mayda Baş Prokurorluğun Ağır Cinayətlər üzrə İstintaq İdarəsi bir sıra yerli və xarici QHT-lərə qarşı cinayət işinə başlayıb. Həmin vaxtdan 20-yə yaxın yerli və xarici QHT-nin hesabına həbs qoyulub. Bu QHT-lərin bəzirlərində vergi yoxlamaları aparılır.
Hüquq-mühafizə orqanları araşdırmanın səbəbləri ilə bağlı şərh vermir. Yerli fəallar bunu müstəqil vətəndaş cəmiyyəti institutlarının aradan qaldırılması məqsədilə hakimiyyətin təzyiqi kimi qiymətləndirirlər.
