Mənbə: Meydan TV

Alverçilər satışa çıxardıqları soğanları yandıraraq etiraz edib

Alverçilər satışa çıxardıqları soğanları yandıraraq etiraz edib

Abşeron rayonu Masazır qəsəbəsində çalışan meyvə-tərəvəz alverçiləri satışa çıxardıqları soğanları yandıraraq etiraz ediblər. Onlar Masazır qəsəbəsi üzrə icra nümayəndəsi Şahlar Həsənovdan şikayətçidir.

“Özünü kənd soveti kimi təqdim edən Həsənov Şahlar gəlib deyir ki, bu soğanı buradan yığışdır. Deyirəm, “niyə? Elə bil mən də sənin oğlunam, çörək pulu qazanıram”. Deyir, “mənim oğlum 20 qəpiyə soğan satmır”. Bizə əl-qol atır, təhqir edir, “düdük”-dən belə sözlər deyir. Mən bilmək istəyirəm ki, ona bu səlahiyyəti kim verib?”-şikayətçi Nazim Əzizov deyir.

Şikayətçilər deyir ki, onlardan mağazanın önündə mal qoyub satmaq üçün rüşvət istənilir. Pul vermədikdə isə təhqir olunurlar.

“Bir olan Allaha and olsun, 2 günə 2 saat yuxu yatmışam. Kirayədə qalıram, 1 sot torpaq almağa pulum yoxdur. Hamısı bizim haqqımızdı, yeyib dağıdır. Torpağı satırsan, ev tikəndən gedib rüşvət alırsan. Hər gün çıxıb televizorda deyirlər, “filan yerə 14-15 milyon pul ayrıldı”. O pulu ayırırlar ki, altına 120 minlik maşın alasan, 10 minə bərkgedən nömrə qoyasan, Masazırın “kruqu”nda 3 mərtəbəli obyekt tikdirəsən? Masazırda 19 obyektin var. Sənin obyektin də meyvə-tərəvəz işlətdiyi üçün sən mənimlə tərs düşürsən? Ona görə gəlib işimə mane olursan?”- şikayətçi Vüqar Əzizov deyir.

İddialarla bağlı Masazır qəsəbəsi üzrə icra nümayəndəliyinə etdiyimiz zənglər cavabsız qaldı.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/88p9f4

Ən çox baxılan