Nazirlər and içdikdən sonra rəsmi olaraq vəzifələrinə başlayacaqlar
Almaniya Bundestaqında keçirilən səsvermənin ilk turunda Sosial Demokrat Partiyasından parlament üzvü və maliyyə naziri Olaf Şolz (Scholz) Baş nazir (kansler) seçilib.
Bundestaqda keçirilən gizli səsvermənin birinci turunda Şolz 707 deputatdan 395-nin səsini toplayıb.
303 deputat “xeyr” deyib, 6 nəfər bitərəf qalıb. 3 səs isə etibarsız sayılıb.
“Euronews” türkcə yazır ki, yeni kansler seçilən 63 yaşlı Şolz prezident Frank-Valter Ştaynmayerdən (Frank-Walter Steinmeier) təyinat sənədini almaq üçün Prezident iqamətgahı olan Bellevue sarayına gedəcək və and içmək üçün Bundestaqda geri qayıdacaq.
Məclisdə and içdikdən sonra Şolz kabinetin yeni üzvləri ilə Bellevue Sarayına gedəcək, yeni nazirlər Ştaynmayerdən təyinat sənədlərini alacaq və sonra yenidən Məclisə qayıdacaq.
Nazirlər and içdikdən sonra rəsmi olaraq vəzifələrinə başlayacaqlar.
Səlahiyyətini başa vuracaq Angela Merkel parlament üzvü olmadığı üçün səsverməni tribunadan izləyib. Merkeli parlament sədri Bas qarşılayıb, millət vəkilləri tərəfindən alqışlanıb.
Tribunada həmçinin keçmiş prezident Yoahim Qauk, keçmiş Baş nazir Gerhard Şröder və Şolzun həyat yoldaşı Britta Ernst, atası Gerhard Şolz, anası Kristel Şolz və bacıları Yens və İnqo Şolz da olub.
Covid-19 tədbirləri çərçivəsində Baş Assambleyada deputatlar maska taxıblar. Tribunalarda peyvənd olunmayan deputatlar üçün yer ayrılıb.
Şolz 2007-2009-cu illərdə əmək və sosial məsələlər naziri, 2011-2018-ci illərdə Hamburq əyalətinin Baş naziri, 2018-2021-ci illərdə isə Baş nazirin müavini və maliyyə naziri olub.
