“Qan analizi göstərib ki, hüquq müdafiəçisində qara ciyərin dağılması baş verir”
Almaniyalı həkim Kristian Vitt həbsdə olan hüquq müdafiəçisi Leyla Yunusun ciddi xəstə olduğunu təsdiqləyib. Bu barədə həkim yanvarın 26-da L.Yunusa təkrar baş çəkərkən bildirib. İlk müayinə və qan analizləri Vitt tərəfindən təxminən bir ay əvvəl – dekabrın 30-da aparılıb.
K.Vittin sözlərinə görə, qan analizi göstərib ki, L.Yunusda qara ciyərin dağılması baş verir. O arıqlamaqda davam edir. 6 ay ərzində 16 kq. itirib, 62 kq.-dan 46 kq.-a düşüb.
Həkimin fikrincə, bütün bunlar onun orqanizmində bərpa olunmaz proseslərin getdiyini göstərir. Bu barədə “Turan İA”-a L.Yunus vəkili Elçin Qəmbərovun vasitəsilə bildirib.
