Almaniya

Mənbə: arxiv

Başlıq: Almaniya

Almaniyada: Pandemiya zamanı qızlar oğlanlara nisbətən daha çox təhsilə meylli olublar

“Nəticələr normal məktəb dərslərinə qayıtmağımızın nə qədər vacib olduğunu göstərir”

Almaniyada koronavirus pandemiyası zamanı oğlan uşaqlarına nisbətən qızlar daha çox təhsilə meylli olublar və yaradıcılıq layihələrinə daha çox zaman sərf ediblər,- “Reuters” xəbər verir.

Lakin hər iki qrup martda pandemiya ilə əlaqədar məktəblərin bağlanmasından əvvəl olduğundan daha çox valideynlərin əsəblərini pozublar, - agentlik əlavə edib.

İyun ayında 1099 valideynin cəlb olunduğu və çərşənbə günü yayımlanan İfo İnstitutunun araşdırmasına görə, uşaqların məktəb işlərinə sərf etdikləri orta vaxt o gündən bəri gündə 7,4 saatdan 3,6 saata düşüb.

Önümüzdəki həftələrdə məktəblərin yenidən açılacağı gözlənir. Araşdırmaya əsasən, valideynlərin 64 faizi uşaqlarının pandemiya zamanı daha az bilik əldə etdiyinə inanır.

Onların fikrincə, pandemiya zamanı uşaqlar televizor izləməyə, kompüter oynamağa və ya telefon istifadə etməyə gündə 5 saatdan çox vaxt sərf ediblər. Bu, normadan daha çoxdur, - “Reuters” qeyd edib.

Araşdırmada qeyd edilir ki, rəqəmlər qızlar və oğlanlarla müqayisədə fərqli olub. Qızlar telefonlardan oğlanlara nisbətən gündə bir saat daha az istifadə ediblər və qarşılığında dərslərinə yarım saat daha çox, oxumağa və yaradıcı əyləncələrə 20 dəqiqə daha çox, sosial mediada 15 dəqiqə daha çox vaxt sərf ediblər.

Valideynlərin övladlarına məktəb işlərinə kömək etmək üçün sərf etdikləri vaxt iki qat artıb, - araşdırma müəyyən edib.

“Nəticələr qoruyucu tədbirlərə riayət edərək normal məktəb dərslərinə qayıtmağımızın nə qədər vacib olduğunu göstərir”,- İfo Təhsil İqtisadiyyat Mərkəzinin rəhbəri Ludjer Vusman (Ludger Woessmann) “Reuters”ə bildirib.

Təhsil zamanı uşaqlar ən azı bir müddət maskalar geyinməli və sosial məsafəyə riayət etməli olacaqlar.

Almaniyada geniş yayılmış test və yaxşı təchiz olunmuş səhiyyə sistemi sayəsində digər ölkələrə nisbətən COVID-19-dan ölənlərin sayı daha azdır. Gündəlik hallar son həftələrdə artsa da, səhiyyə mütəxəssisləri cəmiyyətin gigiyena və məsafə qaydalarına sadiq qaldığını qeyd ediblər.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/d6n7rq

Ən çox baxılan