Mənbə: WR

Alman polisi şübhəli bilinən “islamçılar”a basqın edib

Berlindəki prokurorluq şübhəlilərin gələcəkdə “islamçı” hücum üçün yerlər müəyyənləşdirdiyinə inandıqlarını deyib. “Deutsche Welle” xəbər verir ki, indiyə qədər toplanmış sübutlar hər hansı bir konkret hücum planının olduğunu göstərmir.

“Bu gün edilən axtarış onların əsl motivləri ilə bağlı aydınlıq gətirməyə kömək etməlidir”,- Berlin rəsmiləri bildirib.

Polis çərşənbə axşamı səhər saatlarında Almaniyanın dörd əyalətində yerləşən obyektlərdə reydlər keçirərək, “dövlət üçün təhlükə yaradan ciddi zorakı plan hazırladığı” güman edilən şübhəli islamçıları hədəf alıb.

Berlindəki prokurorlar şübhəlilərin çeçen əsilli olduqlarını deyib.

Reyd paytaxt Berlində, həmçinin Brandenburq və Türingiyanın şərq əyalətlərində və Şimali Reyn-Vestfaliya əyalətində həyata keçirilib.

Şübhəlilərin 23 -28 yaş arasında olduğu bildirilir. Basqından sonra edilmiş açıqlamada neçə nəfərin polis tərəfindən tutulduğu və ya dindirildiyi bildirilməyib.

180-ə yaxın zabitin iştirak etdiyi reydlərdə pul, bıçaq və məlumat saxlama cihazları toplanıb.

Polis yoxlaması zamanı dayandırılan bir nəfərin əl telefonunda şübhəli şəkillər aşkar edildikdən sonra reydlərin həyata keçirildiyi bildirilir.

Almaniyada sığınacaq müraciəti rədd edilmiş şəxsin 2016-cı ilin dekabrında Berlindəki Milad bazarına yük maşını ilə girərək, 12 nəfərin ölümünə səbəb olduqdan sonra Almaniya hakimiyyəti həssasiyyəti artırıb.

Hadisədən bəri alman rəsmiləri radikal islamçı motivlərə sahib olduğu düşünülən 9 hücumun qarşısını aldığını deyirlər.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/z0192r

Ən çox baxılan