Seçim internet vasitəsilə aparılacaq
İyulun 29-dan 2017-18-ci tədris ili üçün respublikanın ali təhsil müəssisələrinə ixtisas seçimi başlayır.
Seçim avqustun 10-dək internet vasitəsilə aparılacaq. Məlumatı APA yayıb.
Bildirilir ki, müsabiqəyə bu müddətdə ixtisasları seçib elektron ərizələrinə daxil edərək təsdiq etmiş abituriyentlər buraxılacaq.
İxtisas qrupları üzrə müsabiqəyə ümumi balı 200-dən, hər hansı bir imtahan fənni istisna olmaqla qalan dörd imtahan fənninin hər biri üzrə ayrılıqda topladığı nisbi balı 10-dan az olmayan abituriyentlər buraxılır.
