Hər iki qardaş Amnesty İnternational tərəfindən “vicdan məhbusu” kimi tanınıb
Ali Məhkəmədə mayın 10-na təyin edilmiş Fərəc və Sirac Kərimli qardaşlarının kassasiya şikayətinə baxılması mayın 24-nə təxirə salınıb.
Bu barədə onların vəkili Nemət Kərimli bildirib.
Müsavat Partiyasının sədr müavini Fərəc Kərimli və onun bitərəf olan qardaşı Sirac Kərimli 2014-cü ilin iyulunda qanunsuz narkotik dövriyyəsi ittihamı ilə həbs edilib.
F.Kərimli 6,5 il, S.Kərimli isə 6 il azadlıqdan məhrumetmə cəzasına məhkum edilib.
S.Kərimli 17 mart 2016-cı il tarixində əvf olunub. Bununla belə, o, bəraət hökmü çıxarılmasına nail olmağa çalışır.
Hər iki qardaş Amnesty İnternational tərəfindən “vicdan məhbusu” kimi tanınıb.