Vəkil növbəti addım kimi Avropa Məhkəməsinə şikayət edəcəklərini söyləyib
Sentyabrın 6-da Ali Məhkəmədə Milli Şuranın sədri Cəmil Həsənlinin qızı Günel Həsənlinin kassasiya şikayətinə baxılıb.
Hakim Əli Seyfəliyevin sədrliyi ilə keçirilən prosesdə Günel Həsənlinin şikayəti təmin olunmayıb.
Bu barədə məlumatı Meydan TV-yə vəkil Fəxrəddin Mehdiyev verib.
Fəxrəddin Mehdiyev deyib ki, məhkəmə onlara bildiriş göndərməmişdi.
Vəkil növbəti addım kimi Avropa Məhkəməsinə şikayət edəcəklərini söyləyib.
Günel Həsənli 2014-cü il sentyabrın 19-da “KİA” markalı şəxsi avtomobili ilə yolu keçmək istəyən 86 yaşlı Bakı sakini Adilə Səlimovanı vurub. Hadisə Yasamal rayonu ərazisində baş verib.
2015-ci ilin fevralın 20-də Yasamal Rayon Məhkəməsi G.Həsənlinin 1 il 6 ay müddətinə məntəqə tipli cəzaçəkmə müəssisəsində cəza çəkməyə məhkum edilməsi barədə hökm çıxarıb. Daha sonra G.Həsənli apellyasiya şikayəti verib.
Bakı Apellyasiya Məhkəməsi şikayəti təmin etməyib.
