Avropa İttifaqının icraçı direktoru Macarıstanın sağ meylli Baş naziri Viktor Orbana incə xəbərdarlıqla 31 martda üzv ölkələrin koronavirus böhranı ilə mübarizə məqsədiylə qəbul etdiyi tədbirlərin demokratiyanı təhlükə altına almamalı olduğunu deyib, – RFE/RL xəbər verir.
“Fövqəladə tədbirlərin təməl prinsiplərimiz və dəyərlərimiz hesabına olmaması çox vacibdir … Demokratiya azad və müstəqil media olmadan işləyə bilməz”, – Avropa Komissiyasının sədri Ursula von der Leyen deyib.
Bəyanat Macarıstan parlamenti Orbana COVID-19 pandemiyası ilə mübarizə aparmaq məqsədiylə ölkənin fövqəladə vəziyyətində və mümkün ki, sonrasında da yeni güc səlahiyyətləri verməsindən dərhal sonra verilib.
Von der Leyen bəyanatında Macarıstanın adını çəkməyib, lakin onun ifadəsi Orbana işarə kimi qəbul edilib.
“Hər hansı tədbirlər zərurətlə məhdudlaşmalı və mütənasib olmalıdır. Onlar müddətsiz olmamalıdır”,- von der Leyen deyib.
Macarıstanın cənub qonşusu Avropa İttifaqı üzvü olmayan, lakin bloka qoşulmaq istəyən Serbiyada Prezident Aleksandar Vuçiç 15 martda açıq fövqəladə vəziyyət elan edib və parlament kənarlaşdırılıb.
Müxalifət deyir ki, Vuçiç dövlətə nəzarəti qeyri-konstitusional bir şəkildə ələ keçirib və ölkədə tam gücə sahib olub.
