Avropa Komissiyası viza rejiminin liberallaşdırılması planını Ermənistana təqdim edərək, ölkənin Aİ-yə vizasız status alması üçün zəmin yaradıb. Bu addım 2024-cü ilin sentyabrında viza rejiminin liberallaşdırılması ilə bağlı danışıqlara başlandıqdan və Ermənistanın Qərblə əlaqələrini artırmasından sonra atılıb.
OC Media yazır ki, Avropa Komissiyasının miqrasiya və daxili işlər üzrə baş direktorunun müavini Yohannes Luçner sənədi çərşənbə günü Yerevanda Ermənistanın daxili işlər naziri Arpin Sarkisyana təqdim edib:
“Plan təhlükəsizlikdən tutmuş insan hüquqlarına qədər müxtəlif sektorlar üzrə bir sıra məqsədləri – qarşıdakı illərdə əldə ediləcək hədəfləri ehtiva edir”, – Luchner
mətbuat konfransında deyib .
“Bu prosesdə əldə edilən sürətli və əsaslı irəliləyiş münasibətilə naziri və səlahiyyətliləri təbrik edirəm. Bu məqsədlərin reallığa çevrilməsi üçün əməkdaşlığımızı davam etdirməyə hazırıq”, – öz növbəsində Sarkisyan bildirib.
Sarkisyan deyib ki, viza rejiminin liberallaşdırılması üzrə fəaliyyət planı erməni vətəndaşlarının həyatına əhəmiyyətli təsir göstərəcək:
“Biz bu gün tarixi hadisənin şahidi oluruq, çünki son nəticədə viza rejiminin liberallaşdırılması üzrə dialoq çərçivəsində biz birgə səylərin nəticəsi olan ilk nəzərəçarpacaq addımı atırıq. Bu layihə xüsusən də viza rejiminin liberallaşdırılması kontekstində Avropa İttifaqının müxtəlif ölkələrinə ləyaqətli səyahət imkanını təmin edəcək bir sıra tədbirləri əhatə edir”.
Aİ Şengen zonasına vizasız girişi təmin etməzdən əvvəl ölkələrdən müəyyən meyarlara cavab vermələrini tələb edir. Vətəndaşları Aİ-yə vizasız giriş əldə etməzdən əvvəl Gürcüstan, Moldova və Ukraynaya sərhədlərin idarə edilməsi, miqrasiya və sığınacaq, ictimai asayiş və təhlükəsizlik, xarici əlaqələr və fundamental hüquqlar kimi məsələlərin həllinə dair dörd tələb blokuna cavab vermək tapşırılıb.
Bu yazı ingilis dilindən tərcümə edilmişdir. Yazının əslini OC Media-dan oxuya bilərsiniz.
