Elçin Rzayev və Seymur Orucov

Mənbə: Foto: Meydan TV

Başlıq: Elçin Rzayev və Seymur Orucov

Ağstafa və İmişli rayonlarına icra başçıları təyin edildilər

Prezident İlham Əliyev mayın 21-də İmişli və Ağstafa rayonlarına yeni icra başçılarını təyin edib.

Dövlət başçısının sərəncamlarına əsasən İmişli Rayon İcra Hakimiyyətinin başçısı vəzifəsinə Elçin Rzayev, Ağstafa Rayon İcra Hakimiyyətinin başçısı vəzifəsinə isə Seymur Orucov təyin ediliblər.

E.Rzayev buna qədər Yasamal Rayon İcra Hakimiyyəti başçısının birinci müavini vəzifəsini tuturdu. Ağstafa rayonuna icra başçısı təyin edilən Seymur Orucov isə Yeni Azərbaycan Partiyasının Gənclər Komitəsinin sədridir. O 1984-cü ildə Naxçıvan şəhərində anadan olub. Azərbaycan Dövlət İqtisad Universitetinin Maliyyə-kredit fakültəsinidə oxuyub. 2007-ci ildə magistraturanı bitirib. Elə həmin ildən kafedranın aspirantı və müəllimi olub. 2011-ci ildə Yeni Azərbaycan Partiyasının Gənclər Birliyinin sədri seçilib.

Ağstafa və İmişli rayonlarının icra başçıları Nizaməddin Quliyev və Vilyam Hacıyev müvafiq olaraq 2019-cu ilin dekabrında və 2020-ci ilin may aylarında DTX-nin antikorrupsiya əməliyyatları çərçivəsində həbs olunublar. Onlar rüşvət, mənimsəmə və vəzifə səlahiyyətlərini aşma maddələri ilə ittiham edilirlər.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/5uw4k9

Ən çox baxılan