Mənbə: Meydan TV

Ağaclar kəsilir, vətəndaşların istirahət guşələri əllərindən alınır

Ağaclar kəsilir, vətəndaşların istirahət guşələri əllərindən alınır

Binəqədi rayonu Nizami Nərimanov 87 ünvanında yerləşən binaların qarşısındakı ağaclar zamanla məhv edilir. Sakinlər deyir ki, “AM.M Line” MMC ərazidə bağça tikintisi üçün onların istirahət guşələrini əllərindən alıb.

Vətəndaşlar və şirkət arasındakı çəkişmə 3 ilə yaxındır davam edir. Sakinlərin aidiyyatı qurumlara şikayəti də bir nəticə verməyib. Nazirlər Kabinetinin yaratdığı komissiya müəyyən edib ki, ağacların bəziləri diblərinə kimyəvi məhlullar tökərək qurudulub, amma bu fakt da heç nəyi dəyişməyib. Şirkət ağac qətliamına qaldığı yerdən davam edib.

Vətəndaşlar eyni zamanda Dövlət Şəhərsalma və Arxitektura Komitəsi və Ekologiya və Təbii Sərvətlər Nazirliyindən də şikayətçidir.

Dövlət Ekspertiza İdarəsinin rəisi Mirsalam Qənbərov bildirib ki, sözügedən ünvanda tikinti altına düşən ağacların köçürülməsinə rəy verilib. Lakin araşdırma zamanı məlum olub ki, köçürmə prosesində rəydə qoyulan tələblərə əməl edilməyib, ağacların köçürülməsi zamanı aqrotexniki qaydaların tələbləri pozulub. Buna görə də köçürməni düzgün həyata keçirməyən şəxslər inzibati qaydada cəzalandırılıblar.

“AM.M Line” MMC-dən tikinti üçün bütün sənədlərin qaydasında olduğu bildirilir. Aidiyyatı qurumlar isə məsuliyyəti bir-birlərinin üzərinə atırlar. Ağacların və istirahət guşəsinin taleyi isə qeyri-müəyyən qalır.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/vfl4wl

Ən çox baxılan