Komissiya tərəfindən bu istiqamətdə aparılan araşdırmaların nəticələri İcraiyyə Komitəsinə təqdim olunacaq
Nəticəsi şübhə doğuran oyunlarla bağlı sanksiya tətbiq olunacaq
AFFA-nın nəzdində fəaliyyət göstərən danışılmış oyunlarla bağlı xüsusi komissiya nəticəsi şübhə doğuran oyunlarla əlaqədar araşdırmalarını davam etdirir.
Bu barədə AFFA-nın rəsmi saytında məlumat verilir.
Komissiyanın qərarına əsasən, 1-ci divizion komandaları arasında noyabın 18-də keçiriləcək oyunlara nəzarəti daha da gücləndirmək məqsədiylə hakimlər komandalara bu barədə də ciddi tapşırıqlar verəcək. Belə ki, oyundan əvvəl hakimlər məşqçilər və futbolçularla görüşərək, komissiyanın tapşırıqlarını onların nəzərinə çatdıracaq.
Komissiya tərəfindən bu istiqamətdə aparılan araşdırmaların nəticələri AFFA-nın İcraiyyə Komitəsinə təqdim olunacaq və bu işdə əli olan komandalara, klub rəsmilərinə, məşqçilərə və futbolçulara qarşı ciddi sanksiyalar tətbiq olunacaq.
