Sərnişin avtobusu və bir neçə maşın toqquşub, 21 nəfər xəsarət alıb
Hadisə şahidlərinin Meydan.tv-yə verdiyi məlumata görə, Prezidentin Mühafizə xidmətinə məxsus avtomobil avtobusu arxadan vuraraq yoldan çıxarıb. Və nəticədə bir neçə avtomobil, o cümlədən Mühafizə xidmətinə məxsus olan xidməti avtomobilə ciddi ziyan dəyib, 21 nəfər xəsarət alıb.
Məlumata görə, xəstəxanaya gətirilən 21 yaralıdan 13 nəfəri evə buraxılıb. Ancaq 8 nəfərin – Məmməd Abbasov, Faiq Cabbarov, Şərəf Həsənov, Sergey Məcidov, Məlikməmməd Şükürov, Həsrət Hüseynov, Samirə Əliyeva, Zərintac Sadıqova xəstəxana şəraitində müalicəsi davam etdirilir. Xəsarət alanlardan biri reanimasiyadadır, ancaq bununla belə, onun və digərlərinin vəziyyəti stabildir.
***
Bakıda ağır yol-nəqliyyat hadisəsi baş verib.
Suraxanı Rayon Polis İdarəsindən APA-ya verilən məlumata görə, Aeroport yolunda 160 saylı marşrut avtobusla bir neçə maşın toqquşub.
Nəticədə bir neçə nəfər xəsarət alıb.
Hazırda polis əməkdaşları hadisə yerində araşdırma aparırlar.
Bu videonu izləyən hər kəs həm də MeydanTV-nin “Xalqın Xəbəri” vətəndaş jurnalistikası layihəsində iştirak edə bilər. Belə ki, qeyd etdiyiniz videoları, çəkdiyiniz fotoları, bildiyiniz məlumatları bizimlə paylaşa bilərsiniz.
Whatsapp nömrəmiz: +49 176 16263646
