ADR üzvünün evindən zorla çıxarılaraq həbs edildiyi bildirilir

Hüseyn Məlik

Hüseyn Məlik

 

''Hüseyn Məlikə 25 sutkalıq həbs cəzası verilib''

Azərbaycan Demokratiya və Rifah Hərəkatının (ADR) İdarə Heyətinin üzvü Hüseyn Məlik dekabrın 4-dən 5-nə keçən gecə həbs edilib.

ADR sədrinin müavini Ellada Məmmədli Meydan TV-yə deyib ki, Hüseyn Məliki gecə saat 3-də mülki geyimlilər evindən zorla aparıblar:

“Hüseyn Məlikin yaşadığı evin qapısı dəmirdəndir, qapını sındırıb və əllərini bağlayaraq aparıblar. Həmin vaxt Hüseyn bəy evdə tək imiş. Səhər qonşuları qapını açıq görüblər, sonra dostlarına xəbər veriblər”.

Ellada Məmmədli Səbail Rayon Məhkəməsinin Hüseyn Məlik haqda 25 sutka inzibati həbs qərarı çıxartdığını bildirsə də, hansı maddə ilə ittiham olunduğundan xəbərsizdir.

ADR Hərəkatı baş verən hadisəni Hüseyn Məlikin həm ictimai həyatda, həm də sosial şəbəkələrdəki siyasi fəallığı ilə əlaqələndirir, bunu insan oğurluğu və fərdi azadlıqların pozulması kimi dəyərləndirir.

Bu barədə hərəkatın yaydığı bəyanatda qeyd olunur.

ADR xatırladıb ki, Hüseyn Məlikin "Facebook" səhifəsindəki statuslarının çoxunun silinməsi təsadüfi deyil:

"Bu da məhkəmənin Hüseyn bəyə hansı ittiham irəli sürməsindən asılı olmayaraq onun ictimai-siyasi fəaliyyətinə, fikir azadlığına yönəlik hərəkətlərinə görə cəzalandırıldığını aydın şəkildə sübut edir. Odur ki, ADR Hərəkatı son dövrlər siyasi fəallara, açıq fikirli insanlara qarşı hakimiyyətin apardığı repressiv siyasəti pisləyir və Hüseyn Məlik də daxil olmaqla bütün siyasi məhbusların tezliklə azad olunmasını tələb edir".

Daxili İşlər Nazirliyinin (DİN) Mətbuat xidmətinin rəisi, polis polkovniki Ehsan Zahidov Meydan TV-yə belə bir adam tanımadığını deyib: “DİN-in 102 xidmətinə zəng etsinlər, adamın harada olduğu araşdırılsın”.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/zhjotk

Ən çox baxılan