Adil İsmayılov

Mənbə: arxiv

Başlıq: Adil İsmayılov

Adil İsmayılov koronavirusdan vəfat edib

Məqalə yeniləndi:  3 Dekabr 2020

Kollegiya sədri: "Son həftədə 3 vəkilimiz koronavirusdan vəfat edib"

Vəkil Adil İsmayılovun dekabrın 3-də COVİD-19 infeksiyasından vəfat etdiyi bildirilir.

Vəkillər Kollegiyası sədri Anar Bağırov məlumatı Meydan TV-yə təsdiqləyib.

"Xeyli vaxt idi görünmürdü. Özüm zəng edib danışdım, hal-əhval tutdum. Özü də virusdan qorxurdu və maksimum qorunmağa çalışırdı. Amma təəssüf ki, nəticə ürəkaçan olmadı. Son bir həftə ərizində üç vəkilimiz - Tahir Əlirzayev, Yusif Seyidov və Adil İsmayılov dünyasını dəyişib. Adil İsmayılov 28 il idi ki, Vəkillər Kollegiyasının üzvü idi. Bu hadisə kollegiya üçün böyük itkidir. Mən ailəsinə başsağlığı da vermişəm", - Anar Bağırov bildirib.

1955-ci ildə Göyçayda anadan olan Adil İsmayılov ilk fəaliyyətini Sumqayıt şəhər prokurorluğunda mühüm işlər üzrə müstəntiq kimi başlayıb.

Daha sonra Baş Prokurorluqda mühüm işlər üzrə müstəntiq olub. O, öz ərizəsi ilə işindən ayrılıb.

A.İsmayılov 1993-cü ildə həbs edilən Milli Məclisin sədri İsa Qəmbərin, keçmiş daxili işlər naziri, mərhum İskəndər Həmidovun da vəkili olub.

Adil İsmayılov “Qara kəmər” əməliyyatında DİN generalı Zakir Nəsirovun, Macarıstanda azərbaycanlı hərbçi Ramil Səfərovun, “MTN işi”ndə general Sübahir Qurbanovun, AXCP sədrinin müavini Seymur Həzinin, müsavatçı Nigar Həzinin hüquqlarını müdafiə edib.

Onun sonuncu işi Azərbaycanın keçmiş Baş prokuroru və səfiri Eldar Həsənovun idi.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  3 Dekabr 2020
Bölmələr:  
qısa linklər:   http://mtv.re/ldx5mz

Ən çox baxılan