ABŞ və Avropa dövlətləri Rusiya diplomatlarını çıxarır

Ukrayna prezidenti Petr Poroşenko 13 rusiyalı diplomatın çıxarılacağını və Moskva ilə münasibətlərin dondurulacağını bildirib

ABŞ və bir sıra Avropa ölkələri Rusiya diplomatlarını geri göndərir. Bu addım rusiyalı kəşfiyyatçı Sergey Skripalın Böyük Britaniyada zəhərlənməsi ilə əlaqləndirilir. İlk addım kimi Rusiyanın BMT-də çalışan 60 diplomatının geri göndərilməsi nəzərdə tutulub.

Rəsmi Vaşinqtonun ehtimalına görə, çıxarılan diplomatlar kəşfiyyatla bağlıdırlar. Onlara ölkəni tərk etmək üçün bir həftə vaxt verilib. Ağ Ev Rusiyanın Sietledəki konsulluğunu bağlamaq qərarını qəbul edib.

Bu məlumatı “Exo Moskvı” radiosu yayıb.

Oxşar addımı Almaniya, Fransa, İsveç, Çexiya, İtaliya, Danimarka, Kanada, Rumıniya, Horvatiya, Finlandiya, Niderland, Polşa, Estoniya, Latviya, Litva və Ukraynanın da atacağı gözlənilir. 

Ukrayna prezidenti Petr Poroşenko 13 rusiyalı diplomatın çıxarılacağını və Moskva ilə münasibətlərin dondurulacağını bildirib.

Rəsmi Berlin bu qərarını Rusiyanın Sergey Skripalın zəhərlənməsi insdentinə əsaslı aydınlıq gətirməməsi ilə izah edib.

Kreml isə əvvəlcədən eyni addımlar atacağını bildirmişdi.

Martın 4-də Böyük Britaniyada yaşayan rusiyalı kəşfiyyatçı Sergey Skripal və qızı Yulia Skripal Salisberi şəhərində zəhərləniblər. Hazırda onların vəziyyətləri ağır olaraq qalır.

Bundan sonra Böyük Britaniya 23 rus diplomatını ölkədən çıxartdı. Analoji addımı Rusiya da atıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/z5uvh0

Ən çox baxılan