Keli Kraft

Mənbə: google.az

Başlıq: Keli Kraft

ABŞ İranı “dünyanın 1 nömrəli terror dəstəkçisi” adlandırıb

Səfir Rusiya və Çinə də xəbərdarlıq edib

ABŞ-ın BMT-dəki səfiri İranı “dünyanın 1 nömrəli terror dəstəkçisi” adlandırıb, RFE/RL xəbər verir.

Bir gün öncə Dövlət katibi Mayk Pompeo ABŞ-ın gələn həftə İrana qarşı silah embarqosunu uzatmaq üçün BMT Təhlükəsizlik Şurasında səsvermə keçirməyi planlaşdırdığını demişdi.

Səfir Keli Kraft (Kelly Craft) deyib ki, Rusiya və Çin embarqonu uzatmaqla bağlı qətnamənin qarşısını almaq üçün vetodan istifadə edərlərsə, onlar da “terrorizmə dəstək verən 1 nömrəli dövlətin ortaq dəstəkçiləri” olacaqlar.

“ABŞ ümid edir ki, Rusiya və Çin Yaxın Şərqdə sülhün vacibliyini görəcək”,- Kraft bildirib. O əlavə edib ki, Rusiya ilə Çin arasındakı tərəfdaşlıq aydın idi: “Onlar yalnız öz sərhədlərindən kənarda xaos, münaqişə təbliğ etmək niyyətindədirlər”.

ABŞ-ın İrandakı elçisi olan Brayn Huk (Brian Hook) Kraftla birlikdə 5 avqustda Pompeonun açıqlamasından sonra jurnalistlərlə görüşüb. ABŞ-ın hazırladığı qətnamə oktyabr ayında başa çatır.

Hook görüşdən bir neçə saat sonra vəzifəsindən getdiyini açıqlayıb.

Rusiya və Çinin Xarici işlər nazirləri 15 üzvlü məclisdə ən az 9 səs alacağı təqdirdə qətnaməyə veto edəcəklərini bildiriblər.

Pompeo avqustun 5-də jurnalistlərə İrana silah satmaq üçün ölkələrin növbədə olduğunu qeyd edib və bunun Yaxın Şərqi daha da qeyri-sabit edəcəyini, İsrail və Avropanı risk altına alacağını və ABŞ-ın həyatını təhlükəyə atacağını deyib.

Vaşinqton deyib ki, Təhlükəsizlik Şurası embarqo bitdikdən sonra İranın silah almasına və satılmasına mane olmayacaqsa, bu, BMT-nin İrana qarşı tətbiq etdiyi bütün sanksiyaların ləngiməsi olacaq.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/qtp69r

Ən çox baxılan