Diplomatlar andiçmə mərasiminə qədər işlərini təhvil verməlidirlər
ABŞ-ın xarici ölkələrdəki bütün səfirləri geri çağrılır. Onlar yeni seçilmiş prezidenti Donald Trampın yanvarın 20-də keçiriləcək andiçmə mərasiminə qədər işlərini təhvil verməlidirlər.
“New York Times”
-in məlumatına görə, bu barədə Trampın keçid qərargahı sərəncam imzalayıb.
Məlumatda deyilir ki, bu sənəd istinasız olaraq bütün səfirlərə şamil edilib.
Bu, diplomatlara ABŞ-a qayıtmazdan əvvəl həm peşəkar, həm də şəxsi işlərini başa çatdırmaq üçün vaxt verilmədiyi ilk haldır.