Təşkilat Azərbaycanda keçirilən seçkini “azad olmayan seçki” kimi qiymətləndirib
“Azərbaycanda keçirilmiş növbədənkənar prezident seçkilərində azad seçim, mətbuat azadlığı təmin olunmayıb. Ölkədə 100-dən çox siyasi məhbusun olduğu şəraitdə bu seçkilər keçirilib”.
Bu fikirlər ABŞ Helsinki Komissiyasının “Twitter” bloqunda
yazılıb.
Helsinki Komissiyası Azərbaycanda keçirilmiş prezident seçkilərini “azad olmayan seçki” kimi qiymətləndirib.
Aprelin 11-də Azərbaycanda növbədənkənar prezident seçkiləri
keçirilib.
Mərkəzi Seçki Komissiyasının yekun rəyinə əsasən İlham Əliyev 86,3 faiz, Zahid Oruc 3,11 faiz, Sərdar Cəlaloğlu 3,03 faiz, Qüdrət Həsənquliyev 3,02 faiz, Hafiz Hacıyev 1,52 faiz, Araz Əlizadə 1,38 faiz, Fərəc Quliyev 1,17 faiz və Razi Nurullayev 0,74 faiz səs toplayıb.
