Mayk Pompeo

Mənbə: arxiv

Başlıq: Mayk Pompeo

ABŞ Dövlət katibi Senat qarşısında ifadə verəcək

Xarici Əlaqələr Komitəsindəki demokratlar bu həftə Pompeonun dövlətdəki vəzifəsini sərt şəkildə tənqid edən hesabat yayıb

Bu gün ABŞ-ın ən yüksək diplomatlarından olan Dövlət katibi Mayk Pompeo Senatda ictimaiyyət qarşısında ifadə verəcək.

“Reuters” xəbər verir ki, ifadə zamanı ABŞ millət vəkilləri ölkənin Çin və Rusiya ilə münasibətləri, ABŞ ordusunun Almaniyanın ərazisindən çıxma qərarı və silah ixracı ilə bağlı Pompeoya suallar yönəldəcək.

Pompeo 15 ayda ilk dəfə Senatın Xarici Əlaqələr Komitəsində keçirilən dinləmədə Dövlət Departamentinin illik büdcə tələbini müzakirə edərək ifadə verəcək, - “Reuters” bildirib.

Xarici Əlaqələr Komitəsindəki demokratlar bu həftə Pompeonun dövlətdəki vəzifəsini sərt şəkildə tənqid edən hesabat yayıb. Hesabatda deyilir ki, Pompeo aylarla iş yerlərini boş saxlayaraq departamentin diplomatiya qabiliyyətinə ziyan vurub. Hesabatda həmçinin qeyd edilib ki, diplomat digər diplomatlarla pis rəftar edib və onlar arasında qisas mədəniyyətini təbliğ edib.

“Bu, sadəcə federal agentliyə hücum deyil; bu Amerika dəyərlərinə və liderliyinə xəyanətdir və milli təhlükəsizliyimizi risk altına atır”,- demokrat senator Bob Menendez deyib.

“Deputatlar həmçinin ifadə zamanı Pompeoya Prezident Donald Trampın Səudiyyə Ərəbistanına silah satışını araşdırdığı üçün Dövlət Departamentinin baş müfəttişi Stiv Linikin (Steve Linick) qovulmasıyla bağlı suallar ünvanlandıra bilər”, Reuters qeyd edib.

Pompeo qeyd edilənləri inkar edib.

Suallar arasında Çinlə korlanan münasibətlər, İranla əlaqələr və Trampın NATO müttəfiqi Berlin ilə uzun müddətdir davam edən çəkişmədən sonra 12.000 əsgərin Almaniyadan çıxarılması da var. Vaşinqton və Pekin konsulluqlarını bağlayıb və Pompeo bu yaxınlarda Honq-Konqun xüsusi ticarət statusunun aradan qaldırıldığını elan edib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/0haf77

Ən çox baxılan