Mənbə: Meydan Tv

5 ildir qazın verilməsini gözləyən "AAAF" sakinləri etiraz edir

Video

1 həftə öncə Xırdalanda “AAAF Park” yaşayış kompleksində “İstilik” şüarı ilə aksiya edən sakinlər binalara qazın verilməsini tələb edirlər. 5 ildir "AAAF"-da yaşasalar da, sayğac borcu üzündən binalarına qaz verilmir.

Ötən il binalara mərkəzi istilik sistemi verilib, amma bu ildən o da dayandırılıb. Soyuq havalarda elektrik enerjisi hesabına evlerini isidənlər bu səfər işıq problemi ilə də üzləşiblər. Transformatorlar yükləndiyindən, işığın verilişində kəsintilər olur.

“AAAF” sakinlərinin şikayətləri kommunal problemlərlə də bitmir. A və B kompleksində yaşayanlar deyir ki, blokların çoxunda liftlər işlək vəziyyətdə deyil.

AAAF Holding idarə heyətinin sədri Rəşad Əliyev bildirir ki, sakinlərin 257 min manat sayğaclara borcu olduğundan qazın verilişi ləngiyir.

Həmçinin Rəşad Əliyev borclardan dolayı şirkətin yeni liftlər almağa gücü çatmadığını deyib. Elektrik enerjisinin verilməsi isə transformatorların dəyişməsi ilə tamamən həll olunub.

“AAAF Park” sakinləri ötən il də yolu bağlayaraq işıq, qaz tələbi ilə aksiya keçirmişdilər.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/k676iy

Ən çox baxılan