SOCAR-ın axtarış tədbiri

Mənbə: Foto: arxiv

Başlıq: SOCAR-ın axtarış tədbiri

2015-ci ildə itkin düşən neftçilərdən ikisinin cəsədi tapılıb

Məqalə yeniləndi:  8 May 2020

“Cəsədlər dənizdə 190 metr dərinlikdə olub”

“Günəşli” hasilat platformasında 2015-ci il dekabrın 4-də baş vermiş yanğın nəticəsində itkin düşmüş neftçilərdən ikisinin cəsədi tapılıb.

“Turan” İnformasiya Agentliyinin məlumatına görə, bu barədə Azərbaycan Dövlət Neft Şirkətinin (SOCAR) İctimaiyyətlə Əlaqələr Departamentinin rəis müavini İbrahim Əhmədov məlumat verib.

Onun sözlərinə görə, cəsədlər Xəzər dənizində 190 metr dərinlikdə boru kəmərlərinin monitorinqi zamanı aşkar edilib.

Müəyyən edilib ki, onlar 2015-ci il dekabrın 4-də 10 saylı platformada itkin düşmüş Əbdüləziz Əbdülazizov (1954-cü ildə anadan olub) və Eyyub Əliyevdir (1973-cü ildə anadan olub). Aşkar edilmiş şəxsiyyət vəsiqələri sayəsində mərhumların şəxsiyyəti müəyyən edilib.

“Cəsədlərin tapılması ilə boru kəmərinin yoxlanılması dayandırılıb. Cəsədlər tezliklə dərinlikdən çıxarılaraq Su Nəqliyyatında Baş Polis İdarəsinə təhvil veriləcək”, - SOCAR-ın nümayəndəsi deyib.

2015-ci il dekabrın 4-də “Günəşli” dəniz yatağındakı platformada partlayış və yanğın baş verib. Yanğın zamanı 33 nəfər evakuasiya edilmişdi. Daha 30 işçini xilas etmək mümkün olmamışdı. Sonradan onlardan 12-nin cəsədi tapıldı. Digər 18 nəfər itkin düşmüş hesab olunurdu.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  8 May 2020
Bölmələr:  
qısa linklər:   http://mtv.re/uqk0hf

Ən çox baxılan