Qəzada itkin düşən 14 neftçi qalıb
Xəzər dənizində iyunun 24-də iki nəfərin cəsədi tapılıb.
SOCAR-ın yayığı məlumata görə, bunlar 2015-ci ildə baş vermiş qəza nəticəsində itkin düşən neftçilərdir.
Onlardan birinin şəxsiyyəti müəyyən edilib. Cəsədi tapılanlardan biri 4-cü dərəcəli neft-qazçıxarma operatoru, 1971-ci il təvəllüdlü Elşad Rəsulovdur. Cəsəd bu gün ailə üzvlərinə təhvil veriləcək. Digər cəsədin qalıqlarının analizləri hələ davam etdirilir.
Bildirilib ki, cəsəd 149 metr dərinlikdə tapılıb.
2015-ci ilin dekabrında “
Günəşli
” dəniz yatağındakı platformada partlayış və yanğın baş verib.
Yanğın zamanı 33 nəfər evakuasiya edilmişdi. Daha 30 işçini xilas etmək mümkün olmamışdı. Sonradan onlardan 12-nin cəsədi tapıldı. Digər 18 nəfər itkin düşmüş hesab olunurdu. 2020-ci ilin may ayının 8-də SOCAR Xəzər dənizinin hissəsində boru xəttinin monitorinqi aparılarkən 2015-ci il dekabrın 4-də “Günəşli” yatağındakı 10 saylı Dərin Dəniz Özülündə baş vermiş qəza zamanı itkin düşmüş iki əməkdaşın cəsədlərinin 190 metr dərinlikdə tapıldığını
bildirdi
.
Hazırda iki neftçinin cəsədinin tapılması, bu hadisədən sonra bərpa edilən axtarış nəticəsində olub. Beləliklə məlum qəzada itkin düşən 14 neftçi qalıb.
