Təxtənəkəran-Miki

Mənbə: google.az

Başlıq: Təxtənəkəran-Miki

11 milyondan çox vəsait ayrılan yol yenidən yararsız hala düşüb

Təxtənəkəran-Miki yolunda avtomobillərin hərəkəti çətinləşib

2017-ci ilin dekabrında istifadəyə verilən Təxtənəkəran-Miki avtomobil yolu yenidən yararsız vəziyyətə düşüb.

"Report"un məlumatına görə, uzunluğu 5 km olan və rayon mərkəzindən 40 km məsafədə yerləşən yolun bir neçə hissəsi dağılıb.

Təxtənəkəran-Miki avtomobil yolu 2015-ci ildə Prezidentin imzaladığı sərəncama əsasən əsaslı təmir olunub.

12 min nəfər əhalinin yaşadığı və 38 yaşayış məntəqəsini birləşdirən Taxtanəkəran-Miki, Taxtanəkəran-Toradi kəndlərarası avtomobil yollarının yenidən qurulması məqsədilə ümumilikdə 11,5 milyon manat vəsait ayrılıb.

İstifadəyə verilməsindən bir il sonra –2018-ci ilin noyabrında yolun bərbad vəziyyətə düşməsi ilə bağlı məlumatlar verilib.

Bildirilib ki, yağan intensiv yağışlar 5-ci kilometrliyində asfalt qatı, təxminən, 18-20 metr uzunluqda sıradan çıxarıb.

Hazırda isə yolda torpaq qatı sürüşərək hərəkət zolağını azaldıb, avtomobillərin hərəkəti çətinləşib. Bu isə nəqliyyat vasitələri və sərnişinlər üçün təhlükə yaradır. Bu, dağ kəndlərini rayon mərkəzi ilə birləşdirən yeganə yoldur.

Kənd sakinlərinin sözlərinə görə, ötən il yolda müəyyən bərkitmə işləri görülsə də, bu, təsirsiz olub. Yolun dağılmasına yağan yağıntılar səbəb olsa da, sakinlər işlərin keyfiyyətsiz aparılmasından gileylənirlər. Sakinlər deyirlər ki, yolun yatağı zəifdir, buna görə də yağıntı nəticəsində erroziyaya uğrayıb. Bundan əlavə, suötürücü qurğular da sıradan çıxdığından sel suları yolun üst hissəsi ilə axaraq dağıntılara səbəb olur.

Astara rayon Siyəkü Kənd Bələdiyyəsindən vəziyyətlə bağlı aidiyyəti qurumlara məlumat verildiyi və müvafiq tədbirlərin görüləcəyi deyilib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/ez5rz5

Ən çox baxılan