''1 milyona ayı əti yeyiblər, amma 11 min manatımızı vermirlər''

Şəhid ailələri birdəfəlik müavinətlərini almaq üçün yenidən Prezident Adminstrasiyasının qabağında toplaşıblar. 11 min manat birdəfəlik müavinəti ala bilməyən ailələri bu dəfə də polislər qarşılayıb.

Şikayətçilər yalnız bağlı qapınının arxasında dayanıb etirazlarını bildirə biliblər: "Bu ananın ah naləsini necə goturəcəksiz, ay məmurlar? Ay qapı- qapı düşüb xalqdan səs yığan deputatlar, arxanızdayıq deyən məmurlar. O qırmızı kreslonun arxasında oturandan sonra hamısı unudulur", "1 milyona ayı əti yeyirlər, amma 11 min vermirlər" və s. ifadələrlə şikayətçilər öz etirazlarını bildiriblər.

Keçən həftə də etiraz edənlərə Administasiyadan bildirilib ki, problemlərinin həlli üçün Əmək və Əhalinin Sosial Müdafiəsi Nazirliyinə müraciət etsinlər. Oktyabrın 30-da isə şikayətçilərə deyilib ki, 4-cü gün, yəni noyabrın 1-də yenidən gəlsinlər. Onları Adminstrasiyanın şöbə müdiri Fuad Ələsgərov və problemlər bağlı yaradılan komissiya dinləyəcək.

Problemin həlli üçün çalışacaqlarını söz veriblər.

Ölkə başçısı İlham Əliyevin 19 apreldə verdiyi fərmana əsasən müavinət 1997-ci il avqustun 2-dək ərazi bütövlüyü uğrunda həlak olmuş, ölmüş və hərbi əməliyyatlarla əlaqədar xəbərsiz itkin düşdüyünə görə ölmüş elan edilmiş hərbi qulluqçuların vərəsələrinə verilir.

Ölkə başçısı İlham Əliyevin fərmanına əsasən ötən həftədən Əmək və Əhalinin Sosial Müdafiəsi Nazirliyi şəhid hərbi qulluqçuların ailə üzvlərinə birdəfəlik ödəmələrin verilməsinə başlayıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/jwgxgj

Ən çox baxılan