Cenevrədə məmura dini simvol qadağa edildi

İsveçrənin Cenevrə bölgəsində keçirilən referendumla dövlət qurumlarında işləyənlərin dini simvol daşıması qadağan edilib. Qadağaya başörtüsü də daxildir.

Ötən ilun aprelində dünyəvilik çərçivəsində qəbul edilən qanuna qarşı müxalifətdəki sol partiyalar və ölkədəki dini qruplar kampaniya başlatmışdılar. Bəzi xristian və müsəlman qrupların da dəstək verdiyi kampaniyada qanunla bağlı referendumun keçirilməsi üçün lazımi imza sayı toplanmışdı. Referendum dünən, fevralın 10-da həyata keçirilib və qanun 55 faiz səslə qəbul edilərək qüvvəyə minib. Referenduma qatılma sayı 43% olub. Qanuna qarşı kampaniya həyata keçirən İsveçrə mərkəzli Beynəlxalq İnsan Haqları və İnkişaf İttifaqı Dərnəyi lideri Ender Demirtaş qanunu İsveçrə Konstitusiya Məhkəməsinə götürəcəklərini və əgər nəticə əldə etməzlərsə, Avropa İnsan Haqları Məhkəməsinə müraciət edəcəklərini açıqlayıb.

Sol partiyalar qanunda hədəfin baş örtüyü olduğunu deyiblər və bu mövqeyi İslamafobiya adlandıraraq tənqid ediblır. 500.000 əhalisi olan Cenevrədə təxminən 25.000 müsəlman yaşayır.